വീണ്ടും വൃന്ദാവനത്തിലേക്ക്

എന്റെ കൃഷ്ണാ
ബന്ധുക്കൾ നമുക്കെത്ര ശിവ ശിവ
വിഷ്ണു ഭക്തന്മാരില്ലേ ഭുവനത്തിൽ

ആ പരമ പ്രേമത്തെക്കുറിച്ച് എന്ത് പറയാൻ?

ഇത്രയും കാരുണ്യം എന്നിൽ ചൊരിയാൻ എന്ത് മുന്ജന്മ പുണ്യം ചെയ്തു?
ഇതാ വീണ്ടും ഓർത്തിരിക്കാത്ത നിമിഷത്തിൽ ഓടിവന്നു കയ്യിൽ പിടിച്ചിരിക്കുന്നു. വീണ്ടും ഇതാ തയ്യാറായിരിക്കുന്നു ആ വൃന്ദാവന ഭൂമിയിലേക്ക്‌ ഇവളെ കൂട്ടിക്കൊണ്ടു പോകാൻ.
എത്രയോവട്ടം കണ്ടാലും കണ്ടാലും കൊതിതീരാത്ത കൃഷ്ണാനുഭവം പകർന്നുതരുന്ന കണ്ണന്റെ ആ വൃന്ദാവന ഭൂവിൽ ഇതാ വീണ്ടും മഹാഭാഗവതന്മാരായ കൃഷ്ണബന്ധുക്കളോടൊപ്പം ഇവളെയും ചേർത്ത് പിടിച്ചിരിക്കുന്നു . അഹോ ഭാഗ്യം! ഇതല്ലാതെ എന്ത് പറയാൻ?

വൃന്ദാവനേശ്വരീ ശ്രീ രാധേ !
കൃഷ്ണപ്രേമമയീ ! ഇവൾ ഇതാ വരുന്നു . ആ പരമ പ്രേമത്തിൽ അലിയാൻ. കണ്ണനെ അറിയാൻ !

— feeling blessed